網紅的藏寶箱身邊有好多人鍾意Edan，尤其係拍嘢嘅朋友，大家都覺得佢可塑性好高，第一眼未必係最靚仔但係越浸越濃嘅魅力來自和藹可親嘅外表但係又才華洋溢，搞笑又得，認真又得。
之前有人問我做咩唔讚Edan喺大叔嘅表現😂 其實Edan都有嚟上過堂，不過嗰一段時間啱啱好經歷E先生錄音同埋膠戰拍攝，所以嚟嘅次數唔多，仲係warm up階段，我覺得自己未真正認識佢，甚至冇認真傾過偈。所以後來喺Mirror演唱會後台見到佢，內心雖然好想同佢打招呼，同佢講佢嗰part嘅演出真係好正，但係原來我好怕羞呀，真心唔好意思，驚佢唔記得我嘛，又人頭湧湧，尷尷尬尬……（ok我知道你一定會話傻嘅咩)
好啦希望我哋之後有機會好好認識下。
Edan喺大叔的愛嘅演出真係令人好驚喜，要讚都好多人讚咗，佢嘅喜感同埋節奏感都係天份，仲要無包袱又坦誠，我作為觀眾真係好喜歡佢啊！再睇埋佢彈琴呀 唱歌呀，搞笑呀，內涵零死角呀！
嗰日拍MV捉住佢教我彈E先生嘅第一段，唔使比$5000學費，賺咗！
講咗咁多都唔關隻歌同MV事，因為我知道你哋已經聽咗like咗share咗…… 睇在有我客串份上，咁就睇多幾次啦。
都係嗰句，多謝導演邀請。
#小諧星
#工作愉快是維他命
Search